Devlet adamnarı hem üürenicilär bayraklarlan hem plakatlarlan şan aleyasına gittilär, neredä M. Çakirin monumentinä çiçek koydular. Komrat Devlet Universitetinin girişindä dä miting yapıldı, neredä konuştu başkan İrina Vlah, GHT başı Dimitri Konstantinov, Bilim merkezi direktoru Petri Paşalı hem başkası, haberleer gagauz bilgilendirmä saytı haber.md.
Universitetin önündä gençlär dä konuştular, onnar okudular anılmış gagauz peetçilerin şiirlerini hem kendi yaratmalarını. Büün Ana dili yortusu kutlamaları Çadır hem Valkaneş kasabalarında da geçtilär.
2009 yıldan beeri Ana dili yortusu kutlanılêr çiçek ayının 27-dä anılmış gagauz aydınnadıcısı Mihail Çakirin duuma günündä.
